Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
pretio æstimant & quatuor paria calceorum, sive manicarum, item
pondo unum luciorum exsiccatorum. Vice versa ex mercibus ad
ipsos advectis ulnam panni lanci vulgaris, quale Silesium aut
Tangermyndense solet nuncupari, æstimant pro imperiali uno, seu
duabus unciis argenti, tres libras cupri pretio eodem, toñam unam
farinæ pro imperialibus duobus cum dimidio, seu argenti unciis
quinq;, duas libras salis pro imperiali dimidio, decem ulnas panni
vilissimi, quale rustici conficiunt, & vulgo Waldmar nominatur,
pro imperiali uno, spiritus vini cantharum pro imperiali dimidio,
quemadmodum hæc omnia diligenter à Samuele Rheen consignata
sunt. Quod si quæ res pretii minoris occurrant, comparantur
cum pellibus singulis, binis, ternis sciurorum griseorum, atque sic
deinceps, donec veniatur ad pelles decem, qui numerus pellium
apud Lapponas vocatur Artog, & imperialis parti quartæ
æquiparatur. Atque hæ sunt res quas Lappones commutant cum Suecis. Ad
Norvagos deferunt stragula è pellibus rangiferorum, aut pelles
nudas, tangiferos vivos, caseos de rangiferis, plumas avium. Item
quæ à Suecis sibi comparant, vasa cuprea velaurichalca, & pannos
viliores, à rusticis Suecorum textos, quorum vice inde petunt
tauros, boves, quarum per æstatem fruantur lacte, hyeme vero
carnibus, capras, oves, è quarum pellibus sibi stragula conficiunt,
argentum, pelles vulpium nigrorum, lutrarum, tegetes varias ex
lina, pisces quoque, quos deinde vendant Suecis, ut haleces,
asellos duratos, rajas, & id genus, sicut & hæc omnia memorantur
ante nominato scriptori. Johannes Tornæus brevius sic complexus
est: Mercantur Lappones in Norvagia & cum Bothniensibus,
Coronæ Sueciæ subjectis. Emunt pannum laneum vulgare lineumque ex
utroque genere, etiam generosum, item cannabim, farinam, panem, ahena,
ferramenta, aliaq; utensilia rustica. Sed ante omnia dant operam,
ut ex Norvagia sibi comparent animalia, quæ in victimas offerant
idolis suis, uti Samuel Rheen testatur. Synnerligen koepa Lapparna
der creatur, som the om hoesten offra vvillia till sin afguder, h. e.
Præcipue ibi emunt Lappones animalia, quæ tempore autumnali constituerunt
offerre diis suis. Loca temporave num peculiaria & certa observarint
olim, quibus celebrarent hæc commercia, non satis scio. Affirmare
<< prev. page << föreg. sida << >> nästa sida >> next page >>
