Full resolution (JPEG) - On this page / på denna sida - Liber XIX. De avibus - Cap. LI. De Cuculo, & multiplici genere Picorum - Cap. LII. De Prognostico diuersarum Auium
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
EST etiam in Aquilonaribus sylvis optatæ lætitiæ annuntiatrix | |
avis omnibus nota, Cuculus appellata, circa principium | Cuculus. |
Maii erumpens in vocem sonoram: quam fere in finem mensis | |
Iulii continuat. Sed hoc in vastis nemoribus, | |
ob inimicas aves, naturali odio eam in omnibus molestantes, | |
eo quod & ipsa(coccyx Græce dicta) aliis sit insidiosa. | Coccyx. |
Nidum enim proprium non facit, sed in alienis, palumbi | |
scilicet, alaudæ, vel passeris solitarii, ponit sua ova cubanda, | |
& alterius labore producit pullos: qui a testa exeuntes, | Pulli producuntur alieno labore. |
pulchritudine, vt educentur, provocant nutricem: quæ specie & forma impinguescentis | |
sobolis gaudens, fœtus suos damnat, atque absumi patitur, donec ab adulterino | |
fœtu evolaturo interimatur: & demum ipse cpccyx a suo genere, videlicet accipitre, | |
dilaniatur. Nulla avium carnis dulcedine superat coccycem: quæ & frigidissimæ est | Caro coccycis dulcissima. |
naturæ, vt Aristo. lib. VI. de animal, cap. VII. placet. Albertus dicit hanc avem | |
minime æstate colligere, quæ sit hyeme comestura: sed latitat in concavitatibus arborum, | |
aut cavernis terrarum, plumis spoliata. Quandoque etiam autumno capta hæc | |
avis, educatur in vaporariis, vt quasi species falconum, ad venandum aptari possit. | Cuculus errore fovetur, captus pro specie falconum. |
Sed degeneris naturæ suæ non oblita, devorat omnes occurrentes domesticos pullos: | |
& ob hoc postea occiditur. Alio autem tempore ponit vnum ovum in nido fulicæ, | |
& eius ova fugit: illa vero futuri eventus ignara, sedulo fovet ovum, pulloque producto | |
ab eo necatur. Mirabile quoddam de cuculo refert Albertus lib. XXIII. quo | Mater necatur a pullo. |
quis loco primum audiat alitem illam, si pes dexter circumscribatur, ac vestigium id | |
effodiatur, hanc terram interimere pulices, vbicunque aspergatur. Præterea picorum | Picorum genera varia. |
genera plurima sunt in Aquilone, magnitudine monedularum, asperrima hyeme in | |
corticibus arborum quærentes victum: quorum aliqui nigerrimi sunt, rubeam habentes | |
cristam, aliqui glauci, aliqui virides, aliqui vario colore respersi, signa asperioris | |
hyemis venturæ gemitu prænuntiantes. | |
De Prognostico diversarum Avium. | |
CAP. LII. | |
LATISSIMO terrarum spatio incolis Septentrionalibus | |
per maxima loca habitantibus, hæc suppetit ratio | Prognostica quonam ex avibus cognoscenda. |
venturos eventus cognoscendi, præsertim in natura avium | |
terrestrium, & aquaticarum more augurum, qui e gestu, | |
motu, volatu, voce, & garritu avium, futura prædicunt. | Aves aquaticæ. |
Aves enim aquaticæ in terram volantes, procellam: & terrestres | |
si ad irrigua, & loca palustria transvolant, serenitatem | |
portendunt: de quibus in extenso Plinius loquitur | |
lib. XVIII. cap. vltimo. | |
Alauda cantu imminentem auroram præsuntiat. | Alauda. |
Anser continuo clangore diras tempestates, pluviamque aqua se spargens prædicit. Pectore | Anser. |
vero puro, & candido, postquam lixus vel assus est, significat immensum frigus. | |
<< prev. page << föreg. sida << >> nästa sida >> next page >>