Full resolution (JPEG) - On this page / på denna sida - Liber XIX. De avibus - Cap. XLVI. De auibus Alle alle dictis
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| EST in hoc lacu quoddam avium genus admodum frequens, | |
| immo & in aliis finibus maris Bothnici, ac Suetici, | |
| quod tempore æstivo nunquam intermissa voce clamitat, | |
| Aves Alle alle dictæ. | Alle alle: vnde propter hoc vbique ab incolis aves illæ Alle |
| alle appellantur. In eo nanque lacu propter dulces aquas a | |
| calidis fontibus vndique scaturientes, multarum, ac magnarum | |
| volucrum ( prout priori cap. dictum esse tanta multitudo | |
| reperitur, vt quasi spatiosa littora, & vasta flumina cooperire | |
| videantur, præcipue corvi marini, sive cornices anguillarum, | |
| Corvi marini. | morfices, ac mergi, anates duarum specierum, & cygni, præter minuta |
| aquatilia infinita. Hos igitur corvos, & reliquas inexplebiles aves, venatores facilius | |
| ob gravem tardumque volatum, duobus vel quatuor cubitis super aquas elevatas, | |
| capiunt: eo videlicet modo, quod in arctis scopulis, velut insularum januis, in | |
| Modus venandi aves atris retibus. | vtraque ripa hastis atra retia, vel aqueo colore tincta appendunt: quæ trochleis sursum |
| deorsumque repente mobilia redduntur, vt agmine magno advolaturas aves depressis, | |
| subitoque levatis in obliquum casum retibus involvantur: quod necessario avibus | |
| illis evenit, ob gravem tardumque volatum, quem recto & lineari motu servant institutum, | |
| Volat’ linearis. | ita vt paucæ periculum evadant. Etiam anates, aliæque aves quandoque |
| retibus hujusmodi subiiciuntur. Hæ igitur aves nigræ, & pigræ, sive natantes | |
| Aves nigræ & pigræ. | sive volantes, semper Alle alle vociferantur, quod Latine sonat Omnes omnes, etiam |
| quando retibus sunt inclusæ: quam vocem irrisoriam solicitus auceps interpretatur, | |
| quod nequaquam omnes habeat in sua potestate, neque vnquam per retia quoque sexcenta | |
| sit habiturus. Sunt & hæ aves maxima multitudine in scopulis Suetiæ, & | |
| Gothiæ superioris, licet non tanta, vt in lacu prædicto, aliisque fluminibus huic | |
| Aves capitiuntur in cophinis &c. | vicinis. Capiuntur etiam aquaticæ aves in vasculis littoralium arborum, ramis |
| per modum nidorum appensis: in quæ anates præcipue sese recipiunt, | |
| ad producendum ova & pullos, propter vulpeculas, | |
| a quibus in terra infestationem patiuntur. Item | |
| capiuntur & visco, præsertim parvulæ. | |
<< prev. page << föreg. sida << >> nästa sida >> next page >>
