Full resolution (JPEG) - On this page / på denna sida - Liber Duodecimus. De structuris aquilonaribus - Præfatio
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
| QVI maris & terræ grandi sub pondere pressam |
| Naviculam, summi patris regit inclytus orbi, |
| Vt consurgentes valeat superare procellas |
| Julius: hic rerum moderator maximus, omne |
| Extento vt possit pelagus decurrere linteo, |
| Sustineat curas, & tanta negotia, quorum |
| Maius onus non est humeris torquere carinam |
| Curarum: vt præsto valeat prudentibus vti |
| Consiliis, extruxit opus: cui mira salubri |
| Temperie, cœli loca præstant apta quieti, |
| Ad Flumentanam portam: cui copia rerum |
| Cunctarum, cedunt cui magna palatia Romaæ. |
| Collibus hinc inde est pulcherrima vinea tanti |
| Pontificis, passim quocunque in tempore cultu |
| Percelebris: sunt læta die, sunt omnia nocte |
| Grata, & amœnus ager secessibus vndique septus. |
| Perpetui fontes labuntur, celsa theatri |
| Atria marmoreis exurgunt plura columnis. |
| Vt valeant superare orbis miracula septem, |
| Quæ tot magnisonis buccis jactare Pelasgi |
| Non cessant, statuis circundata machina surgit |
| Antiquis, subeunt memoranda insignia vivis |
| Vultibus: inde latex latebris emanat abunde, |
| Exilit, & properat terras cum Sirius vrit, |
| Vt defessa levi requiescant membra labore. |
| Parua cano, nam mira nimis spectacula cultu |
| Multiplici, atque avium concentus æthera pulsant. |
| Vt divisa homines possint sua tempora vitæ |
| Pertrahere, assiduo populus stupet anxius ore. |
| Propter iter summa de mose hinc visitur ædes, |
| Marmore tum Pario erecta in fornice celso, |
| Andreæ apostolica cum Petro puppe vocato. |
| Hoc testudineum templum radiantia templa |
| Insignita auro exuperat, pietate flagranti |
| Pontificis summi: loca, quæ celebrare per ævum |
| Sic merear, nunquam excipiat mea lingua quietem. |
| Angelici vt proceres soveant sua vota salutis, |
| Atque decus cumulent, ferventque in honore perenni, |
| Culminis excelsi cœlorum exercitus omnis |
| Pontificem associent, fruiturum monte superno. |
| Et quoniam heroum sancte sunt gesta canenda, |
| Hoc placuit nobis scribere mente pia. |
| Vivunt artifices sub tanto Principe egeni, |
| Quos facit assiduos res variata bene. |
<< prev. page << föreg. sida << >> nästa sida >> next page >>
