Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
lib. IV. c. 8. Rhedæ sunt duûm generum; alterum in modum cymbulæ
Bothnicæ transversim dissectæ, duas cum dimidia ulnas longum, subtenso
pede levigato, quartam ulnæ partem in latitudine habente, affabre
factum, Pulca vocant, à tergo assere clauditur. Alterum rhedæ genus,
vehendæ suppellectili destinatum Achkio vocant, quinque ulnas longum,
cætera eodem modo structum; Sed undique apertum est. Vnde &
contra nives crudo lino muniendum. Habes expressum, quibus rebus
differant. Id vero, quod de lino crudo additur, non assequor.
Nam apud Lapponas quidem linum nullum nascitur, neque usus
apud istos vestis lineæ, quod alibi ostendi. Et solent Lappones
non tam ipsa munire vehicula, quam suppellectilem suam, in eis
repositam, nec lineo crudo, verum coriis, aut pellibus, aut
corticibus betulinis, quod & alias receptum iis est. Quod vero apud
Olaum Magnum lib. XVII. cap. 25. depictum cernitur plaustrum
cum rotis, id apud Lapponas inauditum & inusitatum est..
Describit equidem Olaus istis verbis. Qui domestici sunt (rangiferi)
curulibus plaustris aptantur, optimeque gravissima plaustra per rura
camposque deducunt. Sed quæ qualiave sint curulia hæc plaustra, non
exponit. Cumque pictor alibi licentiose aliqua confinxerit ad
captum suum, ignoro, annon & hoc loco suum potius secutus sit
errorem, quam narrationem Olai, expresserit. Certum enim, ac
in vulgus quoque notum, nulla esse apud Lapponas vehicula cum
rotis, sed si quæ æstate veniunt deferenda, ea in clitellis
rangiferorum suspendi. Johannes Tornæus: Æstate itinera ambulando
conficiunt, sarcinas tantum clitellas, & infantes rangiferis imponentes.
Præter trahas autem istas, fabricant & soleas ligneas sibi, quibus
feruntur per nives. Dedi eas in superiori capite deseriptas, ut hic
denuo referre fabricam earum speciemque haud necesse sit. Quartum
quod exercent viri, artificium est arcularium, ut sic dicam,
seu capsarium. Nam & capsas sive arcas omnis generis ovali fere
figura conficiunt, & armaria seu repositoria alia. Testatur S. Rheen
his verbis. The ære och ganska behændige, att the gioera stoora askar
eller kiisor, them the med been inlæggia, och thet artigt utriita. Hoc est:
<< prev. page << föreg. sida << >> nästa sida >> next page >>
