Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
tvvao lood soelfvver. Hoc est: Lappones non alios curant nummos,
præter solos Imperiales, quorum singulos numerant pro duabus unciis
argenti, sicut apud ipsos idem sit Imperialis unus, vel duæ unciæ argenti.
Liquet, Lapponas solos novisse Imperiales, ac ne hos quidem aliter
æstimare, quam si rude ipsis præberetur argentum tanti ponderis.
Unde suspicor, ne imperiales quidem vel habuisse olim cognitos,
velpro mercibus suis accepisse, priusquam nomine tributi dare
singulos sunt compulsi, de quo supra diximus. Quod novissimis
demum temporibus demonstravimus institutum. Ut non satis
intelligam, quid sibi velit Damianus, quando ait, in verbis antea
alltis, permutatione tantum annonam & pecuniam acquirunt. Ecquæ
enim ea permutatio, qua acquiritur pecunia? Et quo tandem fine
sibi acquirerent pecunias, qui eis neque inter se, nec cum aliis
uterentur? An & apud ipsum nec pecuniam legendum? Ut sit
sensus, non fuisse, aut esse sollicitos de pecunia sibi comparanda, sed
annona, rebusque ad victum necessariis. Quanquam ne hoc quidem
verum sit, quod nominatim tradit de annona, ut liquebit ex
sequentibus. Quicquid vero sit de loco Damiani, permutatione
quondam sola usos Lapponas in commerciis suis, certum est, ac ne
hodie quidem cupidius expetere nummos, quam quantum ad
solvenda tributa necesse est. Ideo Samuel Rheen, postquam
nominasset merces, & earum pretia collata cum nummis: Man skall achta,
att foer ofvvan specificerade vvaror, icke utgifvvas reda penningar,
uthan dhe byta godz, emoot godz. Hoc est: Observandum pro
prædictis mercibus non dari nummos, sed merces permutari mercibus.
Apparet plane, hodieque permutationem apud Lapponas in usu
manere, ac rarissime adhiberi nummos. Imo docet idem pecuniam
vix exigi, nisi ubi vel Lappones, vel qui cum eis exercent
commercia, quid habent venale, quod est generis non communis,
verum singularis. I fall, inquit, der borgaren eller Lapparna finna
naogot godz, som dyrbart eller rart vvore, maoste saodant med specie
mynt betalas. Hoc est: Quod si vel mercatores, vel Lappones quid
invenirent inter merces, quod esset pretiosius vel rarius, id nummis
ipsis solutis comparandum. Exercent autem hodie commercia non
<< prev. page << föreg. sida << >> nästa sida >> next page >>
