Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
baode foer Konung Harald Harfagers tiid, som tvvingade alt Norrig under
sigh (undentagen desse Finner) och lang tiidh der efter, och heet han
Mottle, Findkonge, som dher regerade oefvver, udi Harald Harfagers
tiidh. Hoc est: Lappofinni & Sioefinni, sive Fini maritimi,
priscis temporibus suum proprium habebant regem, cum ante, tum post
tempora Haraldi Harfageri, qui Norvagiam omnem suo subjiciebat
imperio exceptis Finnis istis, nomenque regis qui regioni illi præerat,
Mottle vocabatur temporibus Haraldi Harfageri. Hausit ita Petrus sine
dubio ex Sturlesonio, qui describit expeditionem istam Haraldi &
vastationem Biarmiæ ab ipso factam, salvis hisce Finnis. Sic enim
appellat Sturlesonius eo loco, qui occurrit pag. 57. vel Gunilda
quædam, apud ipsum ita loquens: Han sænde migh till Motla
Finnekoning. Hoc est: Mittebat me ad Mottla Finnonum regem.
Nempe illo tempore nomen Lapponum nondum fuit notum vel usitatum,
sicut alibi ostendi, sed retinuerunt hi vocabulum, quod acceperant
à majoribus, manebatque commune ipsis cum iis, ex quibus
erant oriundi. Neque alia videtur facta sors corum postquam
Lappones sunt dicti, hoc est, postquam novis coloniis occupare
cœperunt regiones mediterraneas ab altera parte montium, qui Sueciam
à Norvagia disterminant. Duce profecto habuere opus, qui ex
patria egressi, novas quærebant sedes. Quem deinde vix est
dubium, quin occupatis terris illis habuerint pro rege. Quo
proinde salvo, fieri vix poterat, ut concederent sub potestatem alienam,
cum præsertim esset nemo illis temporibus, qui multitudinem
figitivam, pauperem, & solitudines sylvasque inter nives perennes,
& inexpugnabilia frigora colentem, bello persequi proponeret.
Quod testatur Paulus Jovius, & confirmat Moschovitarum
saltem sententia, quando ita habet in Moschovia sua: Ingenia
eorum (Lapponum) ne ipsi quidem proximi Moschovitæ noverunt, quum
eos parva manu aggredi, exitialis insaniæ esse dicant, magnis vero
copiis inopem rerum omnium vitam ducentes lacessisse, neque utile, neq;
omnino gloriosum unquam existimarint. Ita bene longo tempore
sui juris Lappones manserunt. Primus Regum Sueciæ, qui de
iis subigendis cogitavit, Magnus Rex, cognomento Ladulaos
<< prev. page << föreg. sida << >> nästa sida >> next page >>
