Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hoc expediant, non est traditum ab iis, unde cætera hujus rei ad nos
pervenerunt. Credo, quod & illi servent secreto, & explorare
vel discere vix possit quis sine gravi suspicione impietatis
abominandæ. Satis, nisi fallor, tympanum Lapporum explicavimus
veniamus ad secundam clasem artium, quæ peculiaribus
exercentur instrumentis à Lapponibus. In hac primum occurrit
funiculus, cum nodis aliquot, ad procurandos ventos. De quo sic
habent Zieglerus: Magicos nodos tres nectunt, pendentes à loro, ubi
unum solverint, cient ventos tolerabiles, ubi alterum, vehementiores,
ubi tertium, movent apertam tempestatem, quemadmodum &
vereres fulmina eliciebant. Quæ Zieglerus memorat de Lapponibus,
ea Olaus Magnus tribuit Finnis lib. III. cap. 16. Finni, inquit,
inter cæteros gentilitatis errores negotiatoribus in eorum littoribus
contraria ventorum tempestate impeditis ventum venalem exhibere,
mercedeque oblata, tres nodos magicos non cassioticos loro constrictos iisdem
reddere solebant, eo servato moderamine, ut ubi primum dissolverint,
ventos haberent placidos, ubi alterum, vehementiores, & ubi tertium
laxaverint, ita sævas tempestates se passuros, ut nec oculo extra
proram in evitandis scopulis, nec pede in navi ad vela deprimenda,
aut in puppi pro clavi dirigendo integris viribus potirentur. Habes
omnia de Finnis, quæ Zieglerus de Lapponibus. Et profecto nihil
hujus generis in eis memorat, nec Samuel Rheen, nec Johann.
Tornæus recentisimi Scriptores. Nec videtur plane posse fiei
ab ipsis, cum sint homines mediterranei, nec ad mare veniant.
Quare quicquid hujus artis est, id potius spectabit ad Finlappos
Norvagicos. Et testatur de ipsis Petrus Claudi. Verba ejus. Hand
kand oc gioere oc upucke, huilken vind hand vvil. Hoc est:
facere ac excitare potest ventum quemcunque voluerit Finlappo.
Addit autem valde notabiliter, eos potissimum ventos sua habere in
potestate, qui tum flarunt, cum eorum quisque nasceretur, hunc
iste, alius alium, quasi cum nascendi ratione juncta esset vis hæc
diabolica & ab ipsa suam sortiretur efficaciam. Hand kand goera
sonderlig den vind, som hafvver bloest den tid han blef foed. Hoc est:
Eum præcipue potest excitare ventum, qui spirat tum , cum ipse
<< prev. page << föreg. sida << >> nästa sida >> next page >>
