Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Verba ejus: The foere gifvva, at om naogon mannvvuxen quinna
skulle reesa oefvver samma vvæg, pao huilken trumban vvohre framfoerd,
foer æn tree dagers foerlopp, skulle hon antingen strax doe, eller naogot
undt henne vvederfahres, som the med maonga exempel bevviisa skiedt
vvara. Hoc est: Ferunt; si quæ fœmina nubilis iter faceret eadem
via, qua sit ductum tympanum, ante triduum post deductionem
elapsum, eam vel extemplo morituram, vel in aliud quoddum incasuram
malum, idque factum esse multis comprobant exemplis. Scilicet &
diabolus vult esse serium sui cultum, legesque à se traditas contemni
non sinit, citra graves pœnas, quousque ipsi hoc indulget Deus,
ut de istiusmodi exemplis dubitare nulla causa sit. Quia tamen
evenire potest, ut necesse habeat eadem via iter instituere
fœmina, ergo tali casu præbet se benigniorem, si tamen ante
obsequium testetur suum per oblationem annuli ærei ad tympanum,
quod ea via est deductum. Idem I fall der ænteligen sao fordrades,
att een quinnes person skulle reesa den vvægen, hvvarest trumban
vvore framfaren, sao maoste den quinna een mæssings ring till trumban
foeræhra. Hoc est: Quod si accidat, ut fœmina omnino ea via iter
facere cogatur, qua est ductum tympanum, tum ea fœmina donare
tenetur in usus tympani illius annulum orichalceum. Cæterum cum,
sicut dixi, multa putent sese tympani hujus beneficio perficere,
videamus, quænam ea sint, & quo ritu expediant. Tria refert
Olaus Petri, spectantia vel ad venationes, vel ad sacra, vel ad
explorationes rerum dissitarum. Tympani hujus usus, inquit, triplex:
Ad venationes, Sacrificia, & res procul dissitas cognoscendas.
Samuel Rheen quatuor potissimum commemorat; Primum, ut
explorent, quid geratur alibi terrarum, etiam longe dissitarum.
Secundum, ut cognoscant eventus prosperos vel improsperos
susceptorum negotiorum; item morbi, si in cum inciderint. Tertium,
ut sanent ægritudines. Quartum, ut discant, quibus sacrificiis Dii
ipsorum delectentur, & quod cuiq; animalis genus debeat offerri.
Modus non est similis in omnibus, sive ritus, quo explorant.
Primum tamen hoc in omni observare istiusmodi negotio consueverunt,
ut membranam tympani ante omnia reddant intensam per
<< prev. page << föreg. sida << >> nästa sida >> next page >>
