Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Idem facit Pastor Kimensis in Lapponiam suam semel de anno, cum
pastore Lapponico. Addam de his ipsis testimonium Olai Petri
Niurenii, qui vixit tempore Gustavi Adolphi. Marckia Vmensis
concionatore templo, & schola administratur, ex qua liberi eorum ad
informandas familias à templo remotas prodeunt quotannis. Marchia
Pithensis tribus diversis locis tres pastoratus distinctos, & consequenter
tres pastores possidet, hodie Regio sumptu suffultos. Ibi igitur Lappi à
suis Pastoribus & templis non procul habitant, ut sæpius in anno
convenire & audiri possint. Marchia Luhlensis quia templo & concionatore
prædita est assiduo, & ex ipsis Lappis oriundo, inspectoreq; Præposito
Luhlensi vicino, avide salutem eorum quærente & desiderante, non potest non
optime administrari, ibique locus industria concionatoris inventus non
ita pridem, quo sæpius in hyeme, tota autem æstate ad audiendum verbum
Dei queant coalescere. Reliquæ Marchiæ binæ, Tornensis scilicet &
Chimensis, magnitudine longe cæteras superantes, semel duntaxat in anno in
nundinis, quæ in Februario celebrantur, à suo Pastore invisuntur.
Tornensis gaudet duobus templis. Chimensis ex nullo dolet. Totus
religionis cultus in utraq; Marchia in lingua, quam quodammodo videntur
intelligere, Finnonica proponitur & exercetur. Habes ecce
testimonia de studio sacerdotum hac ætate, curaque quam in erudienda
gente Lapponica in religione Christiana hodieque solent adhibere.
Cum præsertim constituta sibi habeant & præmia certa laborum,
unde se familiamque suam alant. Ex decimis enim rangiferorum,
quas tenentur dare Lappones Coronæ, tertia pars assignata est in
usus sacerdotis. Samuel Rheen: Reenar the skole uthgiœra, deelas
emellan Cronan och Kirkioherden, sao att Cronen tagar tvvao delar,
och præsten tredie deeren. Hoc est: Rangiferi, quos tributi nomine
tenentur dare, dividuntur inter Coronam & Sacerdotem, sic ut illa duas
partes capiat, hic tertiam. Similiter tributa ei portio de
vestimentis piscibusque, quos Coronæ dant. Idem: Lapparna giœra i
tiende till Cronan och præsten antingen 2. paar skoor, eller een hvvit
ræf, eller ett halft pund giæddor, huilket bxtes itu emellan Cronan och
præsten. Hoc est: Lappones decimarum nomine dant Coronæ ac
Sacerdoti vel duo paria calceorum, vel vulpem albam, vel pondo
<< prev. page << föreg. sida << >> nästa sida >> next page >>
