- Project Runeberg -  Joannis Schefferi Argentoratensis Lapponia id est, Regionis Lapponum et gentis nova et verissima descriptio /
79

(1673) Author: Johannes Schefferus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

audivisse, examinatos fuisse pueros Lapponicos à suo Rectore, prædicto nostro
Pastore. Primo cecinerunt recte omnes pueri conjunctim Psalmos Davidis
in Sueticum sermonem translatos, prout in patriæ Ecclesiis sunt diu
cantati. Deinde omnes ac singuli recitarunt librum dictum Abecedarium,
continentem non tantum Elementa litterarum, sed partes Catecheticas,
sc. Orationem Dominicam, Symbolum Apostolicum, decem Præcepta,
cum verbis institutionis Sacramentorum, Baptismi & S. Cœnæ, item
benedictionem ac gratiarum actionem ad mensam recitandas, additis
precibus matutinis & vespertinis. Hunc librum omnes pueri legerunt,
juxta formam in aliis Patriæ scholis propositam. At qui ingeniosiores,
etiam recitabant distincte & sine hæsitatione quæstiones Cathecheticas, ad
expositionem parvi Cathechismi à B. Luthero conscriptam. Ad hæc
legebant hi ipsi in libro Evangelia Dominicalia & Festivalia stylo Suetico
impressa. Omnes pueri in Schola nominata erant huic exercitio dediti,
sultem octo illorum erant tardiores, qui cum minus valerent ingenio,
amulabantur tamen ingeniosos, quantum poterant. Nunc incipiunt
omnes hi pueri discere partes cathecheticas idiomate Lapponico, ut fundamenta
pietatis materno sermone suis patriotis ediscenda proponant. Hoc
exercitium Scholasticum & fructus inde promanans, quia vicit opinionē
nostram, dum intelleximus, juventutem barbaram brevi tempore didicisse
gratia Dei fundamenta salutis, quæ alias solent pueri litterati longo
tempore perdiscere, igitur singularis gratiarum actio erit ipsi Deo agenda,
qui huic labori felicem dederit successum, piisq; hominibus, qui hanc
scholam instituerunt, donariis auxerunt, hodieque sustentant, suus non erit
denegandus honor; sed certe dabitur loco mercedis, juxta Dei promissionem,
Divina benedictio. In veritatem rei sic peractæ, confirmamus hoc
testimonium subscriptione nostrarum manuum, & impreßione sigillorum.
Datum & actum An. 1634. loco nominato. Iacobus Andreæ Buræus,
Petrus Ionæ, Andreas Haquini, Iacobus Nicolai, Olaus Olai.

Apparet ex hoc utique testimonio Scholæ istius Liksensis, seu, ut ego
mallem appellare, Liksalensis frequentatio, non exiguo juventutis
Lapponicæ numero. Intelliguntur & ingenia illius non omnino
inepta ad studia literarum. Cura denique ipsorum hinc animadvertitur
in discendis illis, quæ ad vitam Christianam recte colendam

<< prev. page << föreg. sida <<     >> nästa sida >> next page >>


Project Runeberg, Mon Dec 11 19:51:46 2023 (aronsson) (diff) (history) (download) << Previous Next >>
https://runeberg.org/sjlapponia/0103.html

Valid HTML 4.0! All our files are DRM-free