Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Neque nostrum modo hoc judicium de forma ipsorum, sed & ante
nos aliorum. Quin imo pulchras facit Lapponum puellas Olaus
Magnus lib. IV. c. 11. Mulieres ac puellæ earum regionum valde
fœcundæ & pulchræ sunt, ea potissimum causa, quod & rubedine
opisicio naturæ præcipio, formosiores habentur. Et Joh. Tornæus.
Kroppen ær dem hehl hasiter, och cliest quinfolken tæmlig vvæl skapade.
Hoc est: Corpus habent candidum, mulieresque satis sunt formosæ..
Neque possumus diffiteri, quin & nos viderimus non semel fœminas
forma satis bonas. Scilicet hæ formam à natura sibi datam cura
majori custodiunt, quam viri, ut nihil sit mirum, horridiores hos
videri. Sed hoc vitium est non naturæ, verum negligentiæ, aut
ruditatis. Ad quod venit, frigoris diuturnitas, & injuria cœli aërisque,
contra quam neque muniunt se satis, idoneo amictu?, nec munire
sciunt aut possunt, item fumus, tuguria, in quibus degunt, opplens
quotidie, ut fieri nequeat quin perdant multum ex forma sua
naturali. Neque alia est causa cur viri pleriqu sint coloris fusci.
Paulus Jovius in superius nominato libello: Lapponibus exigua corporum
statura, luridi contusiq; vultus. Item Petrus Claudi in Desc.
Norveg. c. 28. de ipsis: De ere megit sorte oc brune pas deris krop. Hoc
est: Nigri admodum ac fusci sunt coloris in corporibus suis. Scilicet
inde à prima nativitate jacent in fumo, quod quid mirum est, si
tandem corpora colorentur. Johannes Tornæus, Pastor & Præpositus
Tornensis, coloremeum nominat rufum, in libello Ms. de
Lapponibus. Color faciei, ait, varius, celeberrime tamen subrufus.
Sicut autem brevis sunt staturæ Lappones, sic plerumque macilenti,
estque res prorsus rara, inter ipsos, homo obesus. Petrus Claudi
dicto loco de ipsis: De ere maugre oc skrinde folk, h. e. gens est
macilenta & sine succo multo. Nempe frigus, quod non sinit eos
pervenire ad justam magnitudinem, illud ipsum succum quoque
sanguinemque minuit in ipsis. Addenda huic & levitas in eis
summa, si cum aliis conferantur, quod putant fieri, quia sale non
vescuntur. Olaus Petri. Quia salitis non vescuntur leviores sunt aliis.
Et hic quidem corporis habitus apud ipsos, in universum. Privatim
capita habent crassa, frontem porrectam, oculos cæsios
<< prev. page << föreg. sida << >> nästa sida >> next page >>
