Full resolution (JPEG) - On this page / på denna sida - Liber XIX. De avibus - Cap. XXXIX. De Pauonibus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| PAVONES in Aquilonaribus terris, vti rari reperiuntur, | Pavones rari in Septentrione. |
| ita & chari habentur, præsertim ob pennarum decorem, & | |
| vtilitatem. Ova, pullosque producunt semel in anno: licet | |
| in tenera ætate, ob immensum frigus, pauci pulli coalescunt. | |
| Attamen in Ostrogothia, & Vestrogothia, ac Suetia plures | |
| generantur, & maxima diligentia educantur, ita vt primis | |
| diebus farina hordeacea in modum pillularum confecta | Esca juvenum pavonum. |
| vescantur: postea caseo recenti a lacte expresso, (nam serum nocet) | |
| deinde XXXV. die evoluto, hordeo solido nutriuntur: | |
| ac vltimo in apertis agris, & campis, vbi naturæ instinctu seipsos liberius sustentare | |
| possunt, præcipue vbi vulpes non habeant ad eos accessum. Quod autem cæteris avibus | Vulpes pavonibus insidiantur. |
| diligentius foventur, causam præstat vtilitas, at pulchritudo pennarum, quam | |
| pictores, et textores Aquilonarium terrarum in colorum varietate distinguenda imitantur, | |
| cum magnorum artificum picturæ raro, ob itineris prolixitatem, a remotis | Opinio vulgi de pavone. |
| terris afferantur. Rusticana simplicitas hos alites Angelico vestitu cœlitus missos | |
| putaret, nisi horribili clamore, & serpentino capite ipsa natura refelleret opinionem. | |
| Nec mirum: quia Volateran. lib. XXV. dicit: Pavone primum in India | Edictum Alexandri. |
| viso, Alexandrum ferunt admiratum, prohibuisseque edicto, ne quis eam avem | |
| necaret. In Græciam demum delata, diu quæstui fuit: primum elegantibus tantum | |
| mercede indicatus, deinde ad eorum spectaculum admissa multitudine. | Pavones ob libidinem ovas frangunt. |
| Masculi ( seorsum quinis fœminis sufficientes ) ova perquirunt, vt frangant ob | |
| libidinosum ardorem: pullosque suos veluti alienigenas persequuntur, antequam | |
| illis cristarum insigne nascatur. Sed ova pavonum gallinis majoribus, & electioribus | |
| in cubando supponuntur: sisque supposita sæpius manum vertere oportet, vt eo | |
| facilius fœtus educatur adulterinus: circa quem non minor gallinæ cura est, quam | |
| alias de pullis anatum: qui aquis se immergentes, parientem natura vrgente non sequuntur | |
| vocantem. Pulli vero pavonum citius crescentes, nutricem facile contemnunt, | Partus suppolltitius ingratus. |
| & ita solicita gallina solatio productæ sobolis vbique defraudatur. | |
<< prev. page << föreg. sida << >> nästa sida >> next page >>
