Full resolution (JPEG) - On this page / på denna sida - Liber XVIII. De animalibus sylvestribus - Cap. XXVI. De insidiosa venatione Vrsorum
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ATTENDVNT quam diligentissime vrsi ceruorum transitum, | |
& maxime enixis catulis ipsa fœmina: quæ non | |
tam fame vrgente, quam raptu catulorum, in omne obiectum | |
animal sæuire consueuit. Illa etenim huiusmodi violentiis | |
prouocata, vrsi fortitudinem, dolos, & insidias, vt | Vrsa fortior vrso. |
raptum vindicet, longe superat & excellit. Latitat enim | |
inter densos arborum ramos, & virgulta: cui si ceruus cornuum | |
gloria, aut narium virtute, vel cursus celeritate confidens, | Cervus rapitur. |
incautius appropinquat, mox in eum irruit iugulandum: | |
& si primam sui defensionem, triumphumque in cornibus ponat, illorum | |
tamen nodositate & pondere fessus, vrsinaque rabie agitatus, ad humum deprimitur, | |
vt viribus & vita destitutus, illico corruat deuorandus. Accedit deinde cornutum | |
taurum, simili astutia vtens, se super dorsum eius proiiciens: cumque vrsam abigendo, | Taurus rapitur. |
cornibus se liberare nititur, ipsa cornua, scapulatque tenet vngulis, donec pondere | |
fatigatus corruat moriturus. Deinde dorso, velut sarcina, imposito tauro, bipes | |
syluarum latebras ingreditur, vt eo vescatur. Verum cum hyeme committitur | |
hæc præda, canibus prodita, vel niualibus vestigiis vrsa, non facile evadet illico | |
venatores vndique concurrentes. A trigesimo die conceptionis, quinos vt plurimum | |
catulos, paulo muribus maiores, informes, & candidos carne, sine oculis, | Catuli vrsini in fromes. |
sine pilo, vnguibus tamen apparentibus, parere solet: quos paulatim lambendo matres | |
figurant. Nec quicquam rarius hominibus, quam parientem videre vrsam. Ideo | |
mares quadragenis diebus latent, fœminæ quaternis mensibus. Specus si non habent, | Specus vrsorum. |
ramorum fruticumque congerie ædificant mansiones impenetrabiles imbribus, | Somn’ gravissimus vrsorum. |
mollique fronde, & musco, constratas. Septenis diebus gravi somno premuntur, | |
vt vulneribus vix excitari queant: tuncque mire pinguescunt, | |
suctu præsertim dextri pedis. Fœtus rigentes apprimendo | |
pectori souent, idque veluti volucres oua sua. | |
<< prev. page << föreg. sida << >> nästa sida >> next page >>