Full resolution (JPEG) - On this page / på denna sida - Liber XIII. De agricultura et humano victu - Cap. XXXIII. De voluntaria suffocatione Regis Hundingi in medone, vel hydromele
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| PRÆMISSIS omnibus de vino, medone, hydromele, mulso, & cervisia, | |
| in virtute accommendatione adductis, nonnihil addendum occurrit, | |
| quod ostendere possit, quam infelicissimi sunt numerandi, qui talibus Dei & | |
| naturæ concessis donis, legitime non vtuntur. Quocirca adducendus est hic casus | |
| duorum Regum Aquilonarium, Suetiæ scilicet, & Daniæ: quorum pactis adeo inviolabilis | Reges duo insensati. |
| quondam pax firmata erat, vt in vltimum vsque finem mutua amicitia pactum | |
| confirmarent: nec aures, aut animum illis accommodaturi essent, qui inter ipsos fœdera | |
| rumpere, odia ferere, concordiam labefactare molirentur: sed alter alterius commoda, | |
| honorem quietem, dignitatem, autoritatem defendere, & ampliare curaret, | |
| prout in historiis suis charissimus frater & antecessor meus, Io. Archiepiscopus | Lib. 2. cap 14. |
| Vpsalensis ostendit. Accidit tandem falsam famam circumferri, quod Hadingus | Hadingus Rex Daniæ. |
| Daniæ Rex insidiis generi sui Gutthormi ( cui pridem sororem suam Vlvildam | |
| matrimonio conjunxerat ) impetitus corruisset. Qua fama allata, Hundingus statuit | Hundingus rex Suetiæ. |
| suam fidem Regiam ita declarare, vt omnis posteritas intellectura esset, plus ipsam | |
| valuisse, quam vitam. Proinde convocata totius regni nobilitate, convivium | |
| magnificum, tanquam mortuo amico parentaturus, instruxit: & ne quicquam Regiæ | |
| magnificentiæ deesse viderentur, jussus a Rege promus condus dolium ingentis | Promus condus. |
| magnitudinis cereali, sive melleo potu repletum, aulæ in medio collocavit. Ipse | Ministerium pietatis. |
| Rex pincernæ officio pocula circumferens, pietatis ministerium implere putabatur: | |
| satagebat enim omnibus modis ostendere, quod non tam propter amici casum, quam | |
| ob servandam præstitam fidem, lætus & gaudens in fata concederet. Igitur postquam | |
| omnes ebrietate suffusos advertisset, seipsum in dolium dulcissimi liquoris præcipitans, | Rex dulciter mortuus. |
| ostendere videbatur, illud mortis genus dulcius existimari debere, quod pro amicitia | |
| & fide susceptum, gloriam laudemque mereretur immortalem. Quo cognito, Hadingus | |
| cogitabat quo genere mortis majorem, vel parem fidelissimo amico gratiam | |
| relerre posset, ( quanquam difficile crederet tam eximiam virtutem pari virtute, | |
| aut amicitia superari posse ) non coram satrapis, & proceribus suis, sed toto populo | Rex alter voluntarie suspesus. |
| inspectante, sese (ne perfidia notaretur ) laqueo suspendi permisit: vt omnibus | |
| compertissimum fieret, ipsum plus promissam fidem, quam caducam vitam, & | |
| tandem necessario perituram existimasse. Affirmat Albertus Crantzius hanc duorum | Mors ridicula. |
| Regum mortem perquam ridiculam fuisse: at ego eam parem puto præcipue virtuti | |
| magnorum Græciæ, & Latii principum, qui voluntariam in mortem, ne fidem | |
| promissam violarent, se tradiderunt. | |
<< prev. page << föreg. sida << >> nästa sida >> next page >>
