Full resolution (JPEG) - On this page / på denna sida - Liber Decimus. De bellis navalibus - Cap. IIII. De impugnatione nauium, vel arcium per promones
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
perforata, ad sagittas, ac cætera tela in hostes emittenda. Vel vt alibi asserit, quod | |
e foraminibus ipsis hostem possent e tuto ferire. Ducentas igitur dromadas Belisarius | Belisarius. |
in Tyberim misit, quibus frumentorum solatium diutina obsidione inclusis Græcis, | |
licet non incruenta victoria, subvenit. Habebat etiam Iustinianus subsidiarias | Naves subsidiariæ. |
naves ex Aegypto XCII. longas, superne tegminibus contectas, ne remiges a hostibus | |
lædi possent, teste eodem Proco. eodem libro. Quantum vero studium Theodericus | Theodericus rex Gothorum. |
Rex Gothorum circa hujusmodi dromones habuit fabricandos, Cassiodo. | |
lib. V. Epistolarum testatur his verbis: Cum nostrum animum frequens cura pulsaret, | |
naves Italiam non habere, vbi tanta lignorum copia suffragatur, vt aliis quoque | |
provinciis expetita transmittat, Deo nobis inspirante, decrevimus mille interim dromones | Dromones mille fabricantur. |
fabricandos assumere, qui & frumenta publica possunt convehere, & adversis | |
navibus, si necesse fuerit, obviare. Nec segnius executum est, quam Regio edicto | |
commissum. Assuit enim classis tanta præfectorum, & artificum industria celeriter | Celeritas efficax. |
consummata, quæ vix æstimari poterat inchoata, Rege affirmante: Qui peregrinos | |
classes optabamus aspicere, nunc mittamus aliis & terrorem pariter, & decorem. | Terror et decor. |
Non habent quod Græcus nobis imputet, aut Afer insultet. illud apud nos | |
invidi vigere respiciunt, quod illi arduissimo pretio vix obtinuere. Vnde vt tam | |
validam classem apud Ravennam congregatam, & numero, & viribus ampliemus, | |
publico edicto decernimus, omnia ligna pro dromonibus fabricandis necessaria, per | |
vtranque Padi ripam, nullo obstitente, jubemus abscindi. Vtilitas nempe publica, sicut | Vtilitas publica. |
ad conservationem respicit omnium, ita perfici debet studio, ac labore cunctorum. | |
Volumus etiam hoc exemplum a nostris prædiis inchoare, vt nulli gravis sit jussio | |
quæ justis legibus Principis autoritatem non absolvit. Volumus etiam, vt nihil ad | |
lædendum possessorem studiose videatur inquiri, nisi quod ad nostram, & publicam | Possessor in nullo lædendus. |
vtilitatem necessario præsumatur acceptum. Nec exquiratur aliquis a domino, quod | |
postea publico non dicatur acquisitum. Ligna sylvestria jubemus cædi, non aliquid de | Alienum non lædi. |
alienis facultatibus violenter abscidi. Talia nobis prosunt, qualia nostros gravare non | |
possunt. Quantum igitur ad dromones Gothicos attinet, hoc consyderandum est, | |
eos vix aquis ad duos, vel quatuor pedes immergi, etiam si multis, gravibusque æreis | |
bombardis totaliter onerantur: quia longi, latique sunt, & e fortissimis lignis | |
constructi, & ferreis clavis compaginati, spissisque tabulis cuneato tecto dependentibus | Tecta cuneata dromonum. |
muniti: & ob id quibuscunque densissimis inimicorum navibus, necessitate | |
vrgente, obiiciuntur, vt emissione ferreorum globorum tabulas viciniores | |
aquis in hostili classe perforent, & submergant. Horum | |
etiam dromonum lateralia foramina appenso atro | Foramina lateralia. |
panno aperiuntur, & more catarrhactarum januæ clauduntur, contra | |
inimicorum projecta, | |
vel proiicienda saxa. | |
<< prev. page << föreg. sida << >> nästa sida >> next page >>