Full resolution (JPEG) - On this page / på denna sida - Acknowledgements
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
conspicari licebit, eò quòd & Septentrionales illæ quondam per
me exaratæ perplexitates, in hoc volumine latissimè
dissoluuntur, & insueta ac noua quædam, incredulis inexpertisque
auribus de integro in medium adduci videntur. Nihil autem
à me relatum putes, tam de rerum naturis, quàm gentium
illarum ritibus, quin irrefragabilium autorum testimoniis, qui
etiam multò maiora, veritatis fidem propemodum excedentia,
scriptis mandauerunt, firmissimè confirmetur. Neque tamen,
sicubi à populari opinione, vel dubia minusque probata
quorundam sententia discrepare visus fuero, ideò magis dubio
procul aliis credendum esse existimari debet, quàm iis, qui vnde
quæstiones locorum nascantur, natos in illis oris se, educatósue
profitentur. Cùm verò Illustrissime Princeps nostra hæc
legeris, si minus tuis auribus doctissimis, ingenio peracri,
iudicióque subacto omni ex parte satisfecerint, excuses in primis
velim, tot varios casus per me extra patrium solum perpessos,
cogitésque omnis fortunæ aduerfæ me diu iactatum naufragiis
fuisse. Boni igitur consulas rogo munus hoc nostrum, quod
tuæ amplitudini tam fauorabili studio consecramus : sub
cuius vmbra recumbere nihil gratius deuotioni, ac
pietati in te meæ existimes velim. Tuis
salutaribus progressibus faueat opto is, qui
rerum omnium rector solus eft,
magnus, & omnipotens.
Romæ IIII. Nonas
Ianuarias, Anno
salutaris
partus
M. D. LV.
<< prev. page << föreg. sida << >> nästa sida >> next page >>
