Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Sverige.
I. Gregorius vii. — Sveriges lydnadsplikt under
romerska stolen. — 1081 (?).
Gregorius episcopus, servus servorum Dei,
Wisigo-thorum gloriosis regibus I. et A. et populis, salutem et
apostolicam benedictionem. Frater noster R., episcopus
vester, ad apostolorum limina veniens, suggessit nobis de
nova gentis vestrae conversione; scilicet qualiter, relicto
gentilitatis errore, ad Christianae fidei veritatem
pervenerit. Unde, plurimum in Domino letati, miseratori
omnium intimo corde gratias agimus, qui mentes vestras
lumine suo visitare et de tenebris ad lucem, de morte
ad vitam dignatus est vos aeterna sua benignitate reducere.
Simul etiam ipsius ineffabilem misericordiam deprecati
sumus assidueque’ postulare optamus, ut vos tam fidei
gratia quam et bonorum operum fructibus et in hac vita
vigere et in futura sanctorum cetibus faciat annumerari.
Proinde, carissimi filii, auctoritate sanctae Romanae
ecclesiae, vice beatorum apostolorum Petri et Pauli nobis, licet
indignis, concessa, vos admonemus, ut huius fugitivae vitae
incertitudinem ac temporalium rerum et gaudiorum
instabilitatem perpendentes contemnere, et ad illa, quae sine
fine mansura sunt quaeque humani sensus ac desiderii
angustias amplitudine sua excedunt, memineritis aciem
mentis semper extendere; concordiam et dilectionem studeatis
ad invicem indeficienter habere; ecclesiis honorem, pau-
<< prev. page << föreg. sida << >> nästa sida >> next page >>