Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
socii sui et eorum clerici, qui sunt de parliamento; et ad
pedem ejus sinistrum sedebunt thesaurarius, camerarius
et barones de scaccario, justiciarii de banco et eorum
clerici, qui sunt de parliamento.
De hostiario parliamenti. — Hostiarius
principalis parliamenti stabit infra magnum hostium monasterii,
aulae vel alterius loci, ubi parliamentum tenetur, et
custodiet hostium, ita quod nullus intret parliamentum, nisi
qui sectam et eventum debeat ad parliamentum, vel
vocatus fuerit propter negotium, quod prosequitur in
parliamento, et oportet, quod hostiarius ille habeat cognitionem
personarum, quae ingredi debent, ita quod nulli omnino
negetur ingressus, qui parliamentum interesse tenetur; et
hostiarius ille potest et debet, si necesse sit, habere
plu-res hostiarios sub se.
De clamatore parliamenti. — Clamator
parlia-,menti stabit extra hostium parliamenti, et hostiarius
de-nunciabit sibi clamationes suas; rex solebat mittere
servientes suos ad arma ad standum per magnum spatium
extra hostium parliamenti, ad custodiendum hostium, ita
quod nulli impressiones nec tumultus facerent circa hostia,
per quod parliamentum impediatur, sub poena captionis
corporum suorum, quia de jure hostium parliamenti non
debet claudi, sed per hostiarium et servientes regis ad
arma custodiri.
De stationibus loquentium. — Omnes pares
parliamenti sedebunt, et nullus stabit, sed quando
loquitur, et loquetur ita quod quilibet de parliamento eum
audire valeat; nullus intrabit in parliamentum nec exiet
de parliamento, nisi per unum hostium, et quicumque
loquitur rem aliquam, quae deliberari debet per
parliamentum, stabunt omnes loquentes; causa est, ut audiatur a
paribus, quia omnes pares sunt judices et justiciarii.
De auxilio regis. — Rex non solebat petere
auxilium de regno suo, nisi pro guerra instanti, vel filios
suos milites faciendo, vel filias suas maritando, et tunc
debent hujusmodi auxilia peti in pleno parliamento, et in
<< prev. page << föreg. sida << >> nästa sida >> next page >>
