Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
bus inantea concedenda seu concedende non debeant aut
possint libertatibus, jurisdictionibus, juribus, honoribus seu
dominiis principum electorum sacri imperii
ecclesiasticorum et secularium aut alicujus ipsorum in aliquo penitus
derogare, eciam si in talibus privilegiis et literis
quarumlibet personarum, cujuscunque preminentie, dignitatis aut
status extiterint, ut prefertur, seu universitatum
hujusmodi expresse cautum sit vel fuerit in futurum, quod
revocabilia seu revocabiles esse non debeant, nisi de ipsis
et toto in eis comprehenso tenore in tali revocatione
fieret de verbo ad verbum seriatim mentio specialis.
Hujusmodi namque privilegia et literas, si et in quantum
libertatibus, jurisdictionibus, juribus, honoribus seu dominiis
dictorum principum electorum aut alicujus ipsorum derogare
censentur in aliquo, quoad hoc revocamus ex certa
scientia et cassamus revocataque et revocatas intelligi et
haberi decernimus de plenitudine imperatorie potestatis.
XIV. De hiisj quibus ut indignis auferuntur bona
feudalia. — In plerisque partibus vasalli et feudo[a]tarii
dominorum feuda seu beneficia, que a dominis ipsis
obtinent, intempestive verbaliter et in fraude renunciant seu
resignant eadem et facta resignatione hujusmodi dominos
ipsos maliciöse diffidant suasque inimicicias eis
denunci-ant, dampna ipsis subsequenter gravia inferendo, et
beneficia seu feuda sic relicta pretextu guerre seu inimicicie
iterum invadunt et occupant ac detinent occupata. Ea
propter presenti constitucione in perpetuum valitura
sanc-cimus, quod talis resignacio seu renunciacio haberi
debeat pro non facta, nisi libere et realiter facta fuerit per
eosdem, ita quod possessio beneficiorum et feudorum
hujusmodi dominis ipsis corporaliter et realiter assignetur, in
tantum quod nullo unquam tempore diffidantes ipsi in
bonis, feudis seu beneficiis resignatis dominos ipsos
perturbent per se vel alios aut molestent nec ad hoc consilium
prestent, auxilium vel favorem. Contrarium faciens seu
dominos suos in beneficiis et feudis resignatis vel non
resignatis invadens quomodolibet vel perturbans vel
<< prev. page << föreg. sida << >> nästa sida >> next page >>
