Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
tyberim dicitur, ejus erat jurisdictioni concessa. Nunc
etiam per Marcualdum, Diupuldum et fautores eorum nos
et ecclesiam Romanam persequitur, et regnum Siciliae
nobis auferre conatur.
Si ergo id facit in arido, in viridi quid faceret? Et
si adhuc aridus et exsanguis, utpote cujus adhuc est
messis in herba, nos et ecclesiam Romanam persequitur, quid
faceret, si (quod absit) imperium obtineret? Unde
videtur non irrationabiliter expedire, ut prius nos ejus
violentiae opponamus, quam amplius invalescat. Quod autem
etiam in regibus filii pro patribus sint puniti, divina
pagina protestatur. Nonne propter peccatum Saulis dictum
est a Domino per Samuelem: Stulte egisti, nec custodisti
mandata Domini Dei tui, quae praecepit tibi; quod si non
egisses, jam nunc praeparasset Dominus regnum tuum
super Israel in sempiternum; sed nequaquam regnum tuum
ultra consurget, Salomoni quoque legitur a Domino esse
dictum: Quia non custodisti pactum meum et praecepta
mea, quae mandavi tibi, dirumpens scindam regnum tuum,
et dabo illud servo tuo; verumtamen in diebus tuis non
faciam propter David patrem tuum, de manu filii tui
scindam illud. De Ieroboam similiter dictum fuit a Domino
per Achiam: Ecce ego inducam mala super domum
Ieroboam, et percutiam de Ieroboam mingentem ad parietem.
Et ibidem legitur, quod interfecit Baasa Nadab filium
Ieroboam, et percussit omnem domum Ieroboam, non
dimisit nec unam quidem animam de semine ejus, donec
deleret eam propter peccata Ieroboam, quae peccaverat, et
quibus peccare fecerat Israel, et propter delictum, quo
irritaverat Dominum Deum Israel. De Baasa quoque
scribitur dixisse Dominus: Quia ambulasti in via Ieroboam,
et peccare fecisti populum meum Israel, ecce ego demetam
posteriora Baasa et posteriora domus ejus. Achab etiam
dictum invenitur a Domino per Eliam: Ecce ego inducam
super te malum, et demetam posteriora tua, et intoficiam
de Achab mingentem ad parietem. Nam et Dominus
dicit: Ego sum Deus zelotes, vindicans peccata patrum in
<< prev. page << föreg. sida << >> nästa sida >> next page >>
