Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
sed personam tuam sicut karissimi et specialis filii nostri
et principis christianissimi, quem in apostolicae
confessionis petra non ambigimus per Dei gratiam solidatum, [sine
causa] sincera semper dileximus caritate et debitae
tractavimus benignitatis affectu. Debes enim, gloriosissime
fili, ante oculos mentis reducere, quam gratanter et quam
iocunde alio anno mater tua sacrosancta Romana ecclesia
te susceperit, quanta cordis affectione tractaverit, quantam
tibi dignitatis plenitudinem contulerit et honoris, et
qualiter imperialis insigne coronae libentissime conferens,
benignissimo gremio suo tuae sublimitatis speciem studuerit
confovere, nichil prorsus efficiens, quod regiae voluntati in
minimo cognosceret obviare. Neque tamen poeniteret[-tet]
nos tuae desideria voluntatis in omnibus implevisse, sed,
si maiora beneficia excellentia tua de manu nostra
suscepisset, si fieri posset, considerantes, quanta ecclesiae Dei
et nobis per te incrementa possint et commoda provenire,
non immerito gauderemus. Nunc autem, quia tam
immensum facinus, quod in contumeliam universalis ecclesiae et
imperii tui noscitur etiam commissum, negligere ac
dissimulare videris, suspicamur utique ac veremur, ne forte
in hanc dissimulationem et negligentiam propter hoc tuus
animus sit inductus, quod, suggestione perversi hominis
zizania seminantis, adversus clementissimam matrem tuam
sacrosanctam Romanam ecclesiam et nos ipsos
indignationem (quod absit) aliquam conceperis vel rancorem. Ob
hoc igitur et ob alia omnia negocia, quae cognoscimus
imminere, duos de melioribus et carioribus, quos circa nos
habemus, dilectos scilicet filios nostros, Bernhardum Sancti
Clementis presbyterum cardinalem et Rolandum Sancti
Marci presbyterum cardinalem et cancellarium nostrum,
viros utique religione, prudentia et honestate conspicuos,
serenitati tuae de latere nostro ad praesens duximus
destinandos, excellentiam tuam rogantes attentius,
quatenus eos tam honorifice quam benigne recipias, honeste
tractes, et ea quae ipsi super hoc et super aliis ad
honorem Dei et sacrosanctae Romanae ecclesiae, ad decus
<< prev. page << föreg. sida << >> nästa sida >> next page >>
