Full resolution (JPEG)
- On this page / på denna sida
- Uphaf Magnús-sona
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Uphaf Magnús-sona.
K. i.
Eptir fall Magnús konungs berfœts tóku synir hans
kon-ungdóm í Nóregi, Eysteinn, Sigurör, Óláfr; haföi Eysteinn inn
nøröra hlut landz, en Sigurör inn syöra. Öláfr konungr var þá
iiii. vetra eöa v.; en þann þriöjung landz, er hann átti, hçföu 5
þeir báöir til varöveizlu. Sigurör var þá til konungs tekinn, er
hann var xiii. vetra eöa xiiii., en Eysteinn var vetri ellri. Sigurör
konungr lét eptir fyrir vestan haf dóttur Ira-konungs. På er
synir Magnús váru til konunga teknir, kómu útan ór
Jórsala-heimi, ok sumir ór Miklagarði, þeir menn, er farit hçföu út meö 10
Skopta Qgmundarsyni, ok váru þeir inir frægstu ok kunnu margs
konar tíöendi at segja; en af þeim nýnæmum girntisk fjçlöi
mannz í Nóregi þeirar feröar; var þat sagt, at i Miklagarði
fengu Norömenn fullsælu fjár, þeir er á måla vildu ganga. Peir
báöu konungana, at annarr hvárr þeira, Eysteinn eða Sigurðr, 15
skyldi fara ok vera fyrir því liöi, er til útferðar geröisk. En
konungarnir játtu þvi ok bjoggu ferö þá með beggja kostnaði.
Til þeirar ferðar réðusk margir rikismenn, bæði lendir menn ok
rikir bœndr. En er ferðin var búin, þá var þat af ráðit, at
Sigurðr skyldi fara, en Eysteinn skyldi hafa landráð af hendi 20
beggja þeira.
K. 2. Frå Orkneyja-jprlum.
Einum vetri eða tveim eptir fall Magnús berfoets kom
vestan af Orkneyjum Håkon, sonr Påls jarls, en konungar gáfu
honum jarldóm ok yfirsókn i Orkneyjum, sva sem jarlar hçföu 25
haft fyrir honum, Páll faðir hans eða Erlendr fçöurbroöir hans.
Fór Håkon vestr til Orkneyja.
<< prev. page << föreg. sida << >> nästa sida >> next page >>
Project Runeberg, Sun Dec 10 06:24:58 2023
(aronsson)
(diff)
(history)
(download)
<< Previous
Next >>
https://runeberg.org/heimskring/0543.html
