Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
infantulos infici per suctionem lactis nutriculæ sæpius, ut
nostris mos est, undecunque conductæ, & morbo hoc
contaminatæ, ita ut Luem, Helmontio [1] judice, â nutricibus sugi
non solum, sed & inuri puerulo â cunis hoc modo certum
sit. Sed transeo ad alia.
Caput Tertium.
In Symtomatis describendis occupabitur.
Operæ pretium est, ut brevem Symtomatum hujus
morbi proferam historiam, eo potissimum ordine, quo
venenum & agere primo incipit, & tandem
luctuosam scenam absolvit. Supponamus itaque virulentum
hominem, & recenter etiam, si placet, ex fortunatis illis Insulis
ad nostras oras delatum, mulieri hactenus sanæ misceri.
Facile tunc quidem intellectu est, quomodo adhærens tunicæ
interiori venereum fermentum, ab exilibus hujus loci
glandulis statim recipiatur: quod dum hæsitando & hærendo
redditur acrius, penetrat intimius; cumque ad acorem quendam
vergat, ut supra diximus, figit coagulatque liquores lente
in istis partibus fluentes; unde animadvertitur mulieri
omnium primo exilis quidam tumor, sed dolorificus, qui, aucta
calore corporis acredine, agitatâque, lente corroditur, &
exiguum ulcus formatur, cujus tamen margines duriores
manent, sensimque auctum manifeste abit in cancrosum
ulcus: estque primus, ut ita dicam, hujus fabulæ actus, malo
scilicet intra primas contagionis vias adhuc consistente.
Neglectum autem, multiplicari quotidie hoc fermentum debet,
& ulterius serpere, tum vicinas ulceri partes corrumpendo,
tum miscendo sese liquoribus per angustos ibi tubulos
circulantibus: adeoque communicari illud sanguini versus cor refluo,
necessum est, & sic tandem totam massam infici. Prout autem
casu tum dominatur in corpore diversa intemperies, varias etiam
[1] Tr. d. Inf. Nutrit. ad vit. long. p. 623.
<< prev. page << föreg. sida << >> nästa sida >> next page >>
Project Runeberg, Sat Dec 9 19:38:25 2023
(aronsson)
(diff)
(history)
(download)
<< Previous
Next >>
https://runeberg.org/defoedalue/0031.html
