Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
corpus ipsum destruente. Et quantum adtinet ad venena,
Galeno [1] & Antiquis triplicis erant generis: Erodentia, frigida
& putrefacientia, quæ sic Recentiores interpretantur: ut,
vel ipsas partes solidas pungendo scindendoque corrodant;
vel peregrino, quem vehunt, & insolito sanguini æthere,
ipsum hunc vitalem liquorem aggrediantur, disjectaque ejus
particularum mixtura, secedere illas ipsas ab invicem faciant,
adeoque lethalem coagulationem introducant, vel etiam ita
resolvant consuetum illum necessariumque sanguinis
lentorem, cujus ope amice cohærent reliqua omnia, ut vini
rubelli vel carnium loturæ instar etiam in defuncto jam
cadavere in venis reperiantur. Nam quæ cretacea sua vel
calciformi crassitie ipsos meatus obstruunt & ductus
obturant, manifestius agunt, quam ut iis explicandis inhærere necessum
sit. Fermenti quidem natura, si altius res repetenda esset,
perquam difficilis est; sed in Praxi Medica sufficit eundem,
quem vulgo habemus, hic conceptum formare: scilicet cum
non omnia fermentari ab omnibus animadvertamus, sed cuique
mixto speciale convenire fermentum, e. g. acetum vini vino
fermentum esse, quod vino affusum & multiplicare se ipsum
& totum tandem in sui naturam convertere; & farinaceæ
massæ id, quod in pistoriis officinis illi addi solet, fermentum
esse: nam in pauca licet quantitate additum, tamen non
superari videamus: quod hactenus, ut cognoscant, pistorum
interest, altiores ejus primasque causas speculantibus
relinquentium; eodem etiam modo Venereum hoc virus,
fermenti instar humanam genituram & similimos illi humores
afficere observamus, in cujus vel eludendo contagio vel
frangendo, vel exterminando omne Medici officium versatur.
Quidquid interim sit de ipsis hujus fermenti particularum
figuris, & ramis, & poris, in qua re si vel posita quædam esset á
Theoreticis Hypothesis, certum tamen est, antequam
omnibus, quæ circa eandem moveri recte possent, dubiis sese
<< prev. page << föreg. sida << >> nästa sida >> next page >>
