Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
nec ego negare audeo, sed de origine quæritur venerei
fermenti: si corruptinoni enim diversorum in una eademque
matrice seminiorum, morbus ortum debeat; non video,
quomodo vel olim in Græcia, vel postea Romæ in isto luxu & in
tanta nequitia perditorum morum ignorari hæc lues potuerit,
vel illis esse magis quam nobis occulta?
Sed ne Lectori prolixitate displiceam, reliquos breviter
persequar. Leonicenum ex inundatione Tiberis tempore
Pontificis Alexandri VI. causam ortus contigisse, cum anno
sequenti fuerit lues secuta, deprehendo, licet antiquis hunc
morbum cognitum fuisse, credat. Philologus hunc in
modum explicat: fuisse nempe in Gallorum exercitu, positis ad
Rapalum Januensium locum castris, militem, qui, postquam
divi Lazari Xenodochium, interfectis infirmis abreptisque &
unico solum denario aureo divenditis lectis & culcitris,
diripuisset, ulcus in palmæ manus medio de repente divino
miraculo exortum sensisse, totum corpus deinde pustulis
cooperientibus. Campegius etiam, ex ira Divina Europæis hunc
morbum esse immissum statuit, non aliter ac olim Israëlitis
libidine peccantibus varia mala accidisse, ex Sacris colligitur.
De hisce causis Fernelius, [1] clarus Medicus, sed libere nimis,
ut inter Pontificios degens, sequentem in modum: Mira
statim tam horrendum affectum superstitio excepit, indoctis
quibusque hominibus & mulierculis ad Divos, nescio quos, vota sua
referentibus, opemque ab iis poscentibus.
Proxime hos excipiant, qui ad Planetarum influxum sese
converterunt, nec aliter, ac Romani olim Deam Februam
cœlo oriundam, sic & hi luem Veneream è stellis quasi
delapsam susceperunt: communi mortalium vitio, quo
lubenter culpam urgentium malorum removere à nobis, rejicere
in alios solemus. Primus autem hic nominandus est Pinctor:
[2] hic enim, quemadmodum Luem Variolarum quandam esse
speciem, credidit, illas vero in alimento, uti appellat,
menstruali residuo fundari, ita morbi Gallici mineram in
<< prev. page << föreg. sida << >> nästa sida >> next page >>
