Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
sed obtusis, ne pelles, quarum gratia potissimum captari solent,
corrumpantur. Eadem est mardurum, ut nonnulli vocant, etiam
venatio. Prædictus scriptor lib. VII. c. 1. Producuntur ligneæ sagittæ,
lato capite, pro marduris, zebellinis, ac pyrolis interimendis. Non
sunt alii hoc loco pyroli, quam qui alias sciuri, sicut alibi ostendam.
Mardures aliquando telis aliis, & quæ armata ferreis sunt spiculis,
excipiuntur, neque illæ solum, sed & feræ aliæ, ut vulpes, castores, & id
genus. Ubi tamen Lappones dant operam, ut si fera pellem
habeat pretiosiorem, sic destinent ictum, ne per eum corrumpatur.
Valentque hac arte ad miraculum, quod jam olim Herberstenius
in eis annotavit. Sagitiarii, ait, peritissimi omues, ut si quas nobiliores
venatione feras nanciscantur, eas, quo pelle integra & immaculata
potiantur, missa in proboscidem sagitta interficiunt. Vulpes capiunt &
foveis, superne tectis sarmento, & inspersa nive, ut in eas prolabanur,
dum appositum per insidias appetunt pabulum. Item ferramentis,
quibus ceu forcipibus quibusdam pedes eorum comprehensi
tenentur, dum incautius per solitas ambulant vias. Ponunt
quoque ipsis escas venenis infertas, habentque in hos usus
Lappones peculiare genus musci, de quo alibi pluribus dicetur. Unde
Samuel Rheen, ubi mentionem facit murium agrestium, quibus
vulpes saginantur. Ræfvvarne soekia ike den spiis, som Lapparna
læggia foer them. Hoc est: Vulpes non appetunt escam, quam eorum
capiendorum caussa Lappones ponunt: quando ni mirum copiam
illorum murium habent. Lepores venantur laqueis, ad inflexos
arbustorum virgultarumque ramos religatis, ut si tangant, everberati
pendeant in aere. Item feras quasdam alias his similes, nonnullas
etiam ex superioribus. Unde Johannes Tornæus receptum apud
eos ait, ne quis feram in laqueo alieno inveniam habeat pro sua,
verum reddat Domino. Si quis, inquit, feram ex laqueo solverit,
domino è vestigio adfert. Loquitur de laqueo, quo cum aliæ minutæ
feræ, tum præsertim lepores capiuntur. Venio ad feras majores.
Ex his lupos foveis plerumque circumveniunt, quod ubique
vulgatissimum est. Non infrequenter tamen interficiunt &
bombardarum glandibus seu globis plumbeis. Estque ipsis crebra cum
<< prev. page << föreg. sida << >> nästa sida >> next page >>
