Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
mihi per vos tradita ac per me acceptata, et de voluntate
ac speciali mandato atque consensu omnium vestrum et
singulorum de capitulo, inuocata sancti spiritus gracia, ad
honorem Dei et gloriose virginis Marie matris eius et
specialiter beatorum apostolorum Petri et Pauli,
patronorum ecclesie nostre, quorum negocium peculiariter agitur
in hac parte, tociusque curie celestis, sepedictum dominum
Frenderum vice mea et omnium vestrum eligo in nostrum
et ecclesie nostre episcopum et pastorem". Dictam vero
eleccionem, sic rite et modo canonico celebratam et coram
nobis in communi publicatam, omnes vnanimiter recepimus
et approbauimus, acceptam et gratam habuimus, Te Deum
laudamus sollempniter decantando, dictum electum nostrum
in episcopali kathedra intronizauimus, iuxta morem, et
confestim eleccionem ipsam coram clero et populo, propter
hoc in ecclesia congregato, per prepositum nostrum
pre-dictum fecimus publicari. Postmodum vero, eleccione
huiusmodi dicto electo per memoratum prepositum de
mandato nostro in crastino presentata, videlicet vicesima die
mensis maii, et petito ab eo, vt suum eidem eleccioni
preberet assensum, idem electus respondit, quod super hiis
deliberare vsque in crastinum, videlicet vicesimam primam
diem dicti mensis maii, proponebat. Porro, die vicesima
prima iam dicta, licet ex humilitate insufficientem se
asserens multipliciter excusaret, nobis tamen vehementer
precibus instantibus, nolens diuinis disposicionibus
contraire, jugo diuine vocacionis ceruicem cordis humilians,
inuocato diuine pietatis auxilio, votis nostris et eleccioni
de se facte assenciendum duxit non tam timide quam
deuote, ipsam eleccionem, officium onusque inpositum, vt
prodesse valeat, suscipiens et acceptans. Eapropter
re-uerende paternitati vestre humiliter et vnanimiter
supplicamus, quatinus eleccionem supradictam, sic voto vnanimi
et canonice celebratam, auctoritate metropolitica
dignemini confirmare, et predicto nostro electo, confirmacione
per vos optenta, consecracionis munus velitis fauorabiliter
inpertiri, vt Deo auctore nobis et toti dyocesi Strenge-
<< prev. page << föreg. sida << >> nästa sida >> next page >>
