| natura munitis extructæ: penes quarum muros, & agros, veterum ingentia saxa cuneato, |
| rotundo, oblongo, & erecto situ terris infia cernuntur: quorum sublimiora |
| Gothicis scriptis insignita, quasi viventis alicujus ducis imperio edocent, quid sequi, vel |
| fugere debeant eorum successores, viri utem scilicet amplecti, & vitia detestari &c. |
| Nec dubitandum est, quin eo ævo edictum simile servatum fit in Aquilonaribus regnis |
| contra malignorum principum, & tyrannorum condienda corpora, ne honesta |
| potirentur sepultura, quemadmodum Senatus Romanus edidit(Mario Maximo, atque |
Terribilis sententia in tyranum. | Aelio Lampridio teste) contra Imperatorem Commodum in hac forma: Hosti patriæ honores |
| detrahantur: parricidæ honores detrahantur: parricida trahatur: hosti patriæ, parricida, |
| gladiator in spoliario lavetur: hostis deorum, carnifex Senatus: hostis deorum, |
| parricida Senatus vnco trahatur: qui innocentes occidit, vnco trahatur &c. |
| Parricidæ statuæ detrahantur: necator civivm detrahatur: parricida civium trahatur. |
| Sævior Domitiano, impurior Nerone: sic fecit, sic patiatur. Qui omnes occidit, |
Templorum spoliator. | vnco trahatur: qui vivos spoliavit, vnco trahatur: qui testamenta delevit, |
| vnco trahatur: qui omnem ætatem occidit, vnco trahatur: qui vtrunque sexum |
| occidit, vnco trahatur: qui templa spoliavit, vnco trahatur: qui pretia vitæ exegit, |
| & fidem non feruavit, vnco trahatur: qui Senatum vendidit: qui filiis |
Statuæ & nome tyranorum delenda. | abstulit hæreditatem, vnco trahatur: quia ad perniciem civium, & ad dedecus suum |
| vixit. Ideoque statuæ, & nomen eius ab omnibus publicis, & privatis locis |
| abolendæ sunt, ac eradendæ. Quid etiam contra Caligulam, Vitellium, & similes |
| Plutonis cohæredes clamatum, ac actum fit, voluminibus maximis explicari |
| nequit, quemadmodum nulla æternitas satis longa videtur in commendatione optimorum |
Statuæ bonorum venerandæ. | Principum: quorum imagines, &statuæ eo semper sunt sanctiores, quo calamitosi |
| homines talium heroum recordatione meminerint se fuisse feliciores, continue |
| eisdem precantes felicitatem sempiternam. Talium etiam bonorum Principum |
Saxa signo S. crucis signata. | obelisci, & saxa, multis seculis ante plantatam fidem Catholicam in Septentrionalibus |
| regnis signo Crucis insignita adhuc aperte videntur, similem habentia inscriptionem: |
Epitaphium vetustum cujusdam Germundi. | Postquam dæmonum sallacia seductus erraveram, ad Christianorum Deum |
| conversus morior, & hic sepultus judicium eius expecto Germundus. Præterea |
| alibi in saxo hæc verba reperiuntur: Relicta idolorum cultura mortuus, & in |
Holmstani aliud epitaphium. | Christi fide vivus, sub hoc lapide requiesco Holmstanus. Profecto gloriosior eius |
| æstimabitur sepultura, & similium, vnico obelisco signata, quam omnes pyramides |
| tyrannorum Aegyptiacæ vanitatis, prout superiori cap. aliqualiter est ostensum, |
| præsertim attestantione Plinii lib. XXXVI cap. XII. qui has vanitates per causas, |
| expensas, loca, tempora, & meretrices deducit quarum verecundus quæstus |
| inter effœminatos erexit excelsas pyramides, vbi inter fortes homines Aquilonares |
| auribus, & naribus ob turpitudinem privatæ fuissent. Sunt quidem in Aquilonaribus |
| terris scorta, sed adeo verecundo incessu, & conversatione, vt pauperes fœminæ, |
Cloaca. | etiamsi ditissimæ sint, ob annexam tamen infamiam, & turpitudinem, vilissimæ |
| rei assimilandæ appellentur. Cloaca ( teste Augustino ) |
| tolerari potius videtur in vna parte domus, quam |
| quod tota domus vbique fit sordium nutrix, |
| & sentina.
|
| De fatalibus |