Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
rem suum et admitteret quantum ius expostulat &c. Ista
expressit prefatus dominus Nicolauus in Latino apud
Eri-cum Flæmingh me interpretante in Swecico, exigendo
super liiis apud eundem nuntium apostolicum me mediante
responsa. Quare statim altero die de mane misit me
Encus ad prefatum nuntium apostolicum saltem causa
honoris et gratiarum actionis. Timuimus enim, ne
contrarium haberet in commissis propter certas causas &c.
Vbi feci oratiunculam, que sequitur:
Reuerende pater et insignis domine, reuerentia vestra
non egre ferat, si in proferendo negotium mihi
commissum cedulam inspiciam. Inclitus vir Ericus Flæmingh,
generis nobilitate morum et virtutum honestate amplissime
decoratus, serenissimi domini electi regis nostri domini
Gostaui huc ad Rutheniam nuntius autenticus et meus
pro hac parte primicerius, me ad reuerentiam vestram
direxit, cupiens inprimis multum vestre reuerentie statum
felicem et prosperum successum audire pariter et
intelli-gere, cuius solennis fama ac inde aspectus et presentia
me in tantum vertit stuporem, vt quid impresentiarum
enuntiem vel fari habeam penitus ignoro. Sed cum teste
scriptura obedientia melior victima sit censenda, voluntati
eiusdem Erici tanquam superioris mei parendum institui
vt sane debeo. Ipse, inquam, vir nobilis totis ex precordiis
super omnia deo gratias agit immortales, qui de celo
sancto suo prospexit super filios hominum hiis diebus
nonissimis et ecclesie sue periclitanti fluctuantique in
procellis multis nauicule Petn cum tam prudenti vigilantique
vicario suo, sanctissimo videlicet domino nostro dommo
Clemente papa VIImo, voluit prouidere, qui ad
gubernandam tutandamque eandem nauiculam ecclesiam
sanctam suam sanctam chatolicam adeo aptus ydoneus esset
et necessarius, vt etiam ouiculas tam remote ad vltimos
fines positas tanquam bonus et fidelis pastor non desistat
solicitare atque pietatis oculo intueri, noc est, quod inter
cetera sanctitatis sue munera etiam pro bono regni
Swecie per sue sanctitatis legacionem in vestre reuerentie
persona salutaria remedia et oportuna consilia huc vsque
non cessat erogare. In promtovest, propicium deum
dedisse eum in lucem gentium, qui etiam rem conformat
nomini, vt sit re et nomine Clemens et salus eius vsque
ad extremum terre. Nempe ex hoc dei dono
prefatus meus primicerius et qui comitamur eum grandi
efficimur letitia. Quanto igitur ipse dominus rex noster
<< prev. page << föreg. sida << >> nästa sida >> next page >>
