Full resolution (JPEG) - On this page / på denna sida - Uphaf Magnús blinda
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
560
HEIMSKRINGLA
blåsa til brautlçgu liðinu; dcccc. manna hçföu samnazk til
Haraldz konungs um jólin.
K. 7. Tekinn Magnús konungr.
Haraldr konungr hét á inn helga óláf konung til sigrs sér,
5 at låta Óláfskirkju gera þar i býnum meö sinum eins kostnaði.
Magnús konungr setti fylking sina út i Kristskirkjugarði, en
Haraldr røri fyrst at Norönesi; en er þeir Magnus konungr så
þat, snøru þeir inn i býinn ok inn í vágsbotn. En er þeir fóru
inn um stræti, þá hljópu margir býjarmenn inn i garða ok til
10 heimilis sins, en þeir, er yfir gengu á vçlluna, hljópu á
hersporana. Pá sá þeir Magnús, at Haraldr haföi róit çllu liðinu
yfir i Hegravik ok gengu þar upp á bakka fyrir ofan býinn;
þá snørisk Magnús konungr út eptir stræti; flýði þá liðit frá
honum, sumt i fjallit upp, sumt upp um Nunnusetr, sumt í kirkjur
15 eöa falsk i çörum stçöum. Magnus gekk út á skip sitt, en þeim
var engi kostr i brot at fara, þar er járnrekendr gættu fyrir
útan; fylgÖi ok fått manna konungi, váru þeir fyrir því til enkis
fœrir; svá segir Einarr Skúlason i Haraldzdrápu:
206. Luku vág viku, brúns, Bjçrgynjar,
20 vara kostr fara braut hås skrautum.
Litlu siðarr kómu menn Haraldz konungs út á skipin; var þá
handtekinn Magnús konungr; en hann sat aptr i fyrirrúmi á
hásætiskistu ok með honum Håkon faukr, móðurbróðir hans,
inn vænsti maör ok kallaör eigi vitr, ok Ivarr Qzurarson ok
25 margir aðrir vinir hans váru þá handteknir, en sumir þegar
drepnir.
K. 8. Dauöi Reinaldz byskups.
Haraldr konungr åtti þá stefnur viö ráðuneyti sitt ok beiddi
þá råöagøröar meö sér, ok at lyköum þeirar stefnu fengusk þeir
30 órskuröir, at taka Magnus sva frå riki, at hann mætti eigi
kallask konungr þaöan i frå. Var hann þá seldr i hendr konungs
þrælum, en þeir veittu honum meizlur, stungu út augu hans ok
hjoggu af annan fot, en síðarst var hann geldr. Ivarr Qzurarson
var blindaör, Håkon faukr var drepinn. Eptir þetta lagöisk
35 land alt undir riki Haraldz konungs. Gerðisk þá mjçk eptir
leitat, hverir mestir hçföu verit vinir Magnús konungs eöai
hverir mest mundu vita féhirzlur hans eöa gørsimar. Krossinn
helga haföi Magnus haft meö sér, síðan er Fyrileifar orrosta
<< prev. page << föreg. sida << >> nästa sida >> next page >>
