Full resolution (JPEG) - On this page / på denna sida - III.
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
47
Jammersdom paa Jordi. Og Kandidaten etter; for Beistet
skulde ha meir! Daa viste Presten seg i Bislagdøri.
»Henning!« ropad han med djupt Maal. »Henning!«
— Og Henning, som saag, at han ikkje stod att
Bikkja, snudde seg no mot Far sin. Haaret hans
valt nedyver Panne og Øyro, Andlitet var kvitt, men
tok til aa raudna; som han stod der frammot Presten,
rak og harm, skjelvande av Sinne, var han fager.
»Godt! er du der?« ropad han; han var haas. »Vil
du no binna Beistet, elder jaga det av Garde? elder
so ved den livande Gud, eg slær det ihel so snøgt
eg kann!« — Der vart eit Ordskifte millom Presten
og Son hans; Daniel kunde ikkje høyra meir av det.
Men daa Kandidaten langt um lengje kom inn, var
han myrk og harm, og Daniel maatte gaa. Sidan
var det som der laag ei Tyngd yver Huset. Og
Kandidaten var som ein annan Mann. Naar han
skulde syna Daniel, sat han tidt og seig burt i
Draumar og gløymde heile Undervisningi. Stundom
var han ikkje heime, dessmeir, naar Daniel kom, so
denne maatte gaa att ærendslaus.
Dette gjorde, at Daniel dovnad av. Han tok til
aa sakna Kapellanen, og vov seg paa nytt inn i sine
gamle Draumar. Daa han um ein Maanads Tid fekk
høyra, at Kandidaten skulde reisa til Kristiania og
vera Privatlærar, vart han ikkje so leid for det
en-daa. Han tenkte med seg, at det lagad seg nok.
No kom her snart ny Kapellan; og dessutan hadde
Guten komet etter, at Far hans nok var meir uppsett
paa aa faa han fram til Prest enn han hadde tenkt. —
<< prev. page << föreg. sida << >> nästa sida >> next page >>
